من أحسن المشاريع فهاد الصيف لي بزاااااف ديال الناس كتسول عليه... غاي نعطيكم دراسة جدوى فابور فهاد الضومين، فقط دعيو معانا بالخيرة
اولا، : خاصك لا ماشين caprigiani هيا الطوب ديال الطاليان غادي تاخدها بين مليون ونص حتا جوج دالمليون ونص على حسب النقا ونصيحة بعدو من شينوة را جداد دايرين مليون ونص ولكن را ماشي ديال الخدمة خودو caprigiani مستعملة حسن من شينوة جديدة
2 التخليطة ساهلة 8 لتر ديال الماء كدير فيها نصف كيلو حليب غبرة و 2 كيلو وربع ديال السنيدة وكاس صغير ديال الفيكولا "الفيكولا واحد الغبرة دايرة بحال الحليب غبرة هيا اللي كتخلي البرودوي يتقال" وكتزيد على هاد التخليطة النكهة اللي بغيتي فريز بيسطاش كراميل فاني ..... وكتزيد الملون اللي بغيتي مثلا فريز كدير ملون حمر بيسطاش ملون خضر ......
3 بالنسبة للسلعة موجووووووودة و رخيصة
4 بالنسبة للأرباح كاين مد**** محترم على حسب كل منطقة "الرباح كاين غير واش 100 درهم ولا 200 درهم ولا 300 درهم ولا 500 درهم تال الف درهم او اكتر على حسب نتا ورزقك
5 بعتي مثلا 500درهم غادي دير500 مقسومة على 100 مضروبة ف 70 غادي تخرج ليك 350 درهم ديال الرباح تقريبا
بعتي 300 غادي دير 300 مقسومة على 100 مضروبة ف 70 غادي تخرج ليك 210 درهم رباح
هد بروجي كنت باغي نديرو انا شخصيا، لكن متاحتش لي الفرصة، قلت نشاركو مع خوتي لعل وعسى نكون سبب في تغيير حياة الشباب 💚
فقط دعيو معانا شي دعوة ديال الخير 😊
بالتوفيق اللهم يسر للجميع 💐 💐
_______
لا تنسوووووو
اقتصاص الصورة الرمزية الخاصة بك
